Wednesday, October 22, 2008
07:07 AM
Rating
Madi-disappoint tiyak ang fans ni Patani Daño dahil hindi tuloy ang unang nabalitaan ng PEP (Philippine Entertainment Portal) na movie project ng pinakasikat sa castaway ng Survivor Philippines.
Dapat sana ay may cameo role si Patani sa horror movie ng GMA Films na Sundo bilang maingay na kasambahay nina Simon Atkins at Iza Calzado, pero nagbago ang plano. Komedyana raw ang dalaga at baka sa halip na matakot ang manonood ng pelikula ay matawa pa.
Isa pang rason na binanggit sa PEP sa hindi pagkatuloy ni Patani sa pelikula ay ang pagiging overexposed nito. Napapanood nga naman kasi regularly si Patani sa Unang Hirit at Eat Bulaga! Bukod pa rito ang guestings niya sa iba't ibang shows ng GMA-7. Sa mga susunod na pelikula ng GMA Films na lang daw isasama si Patani.
Sa interview ng PEP kay Joey de Leon, may mga pahayag ito tungkol kay Patani. Sabi ng TV host-comedian: "Okey lang siya, dapat lang kalkulado. Pang-taping siya, hindi siya pang-live. Hindi pa siya developed at hindi malakas ang boses niya. Dapat pipiliin ang sasabihin niya. Hindi pa niya alam ang pang-TV at hindi pa alam ang dos and don'ts at tawa nang tawa. May tendency pa siyang mapikon. Talagang raw talent."
Ikinuwento ni Joey ang isang episode ng Eat Bulaga! na may tinanong si Vic Sotto na sinagot ni Patani ng hindi pang-TV na sagot. Mabuti at agad naiwas ni Vic ang microphone kay Patani kaya hindi narinig ang sagot nito dahil kung nagkataon, nakatanggap sila ng memo sa Movie and Television Review and Classification Board (MTRCB).
SOURCE: PEP
Ano itong mga nahahalungkat ni Empress Maruja na mga “bagong” picture ng Survivor Philippines castaway na si Patani Daño?
Mga test shot para sa kanyang upcoming FHM feature spread? Intriga huh…
By:MELBA LLANERA Philippine Entertainment Portal
“Nandun ako para mag-show, hindi para i-promote ang show ng iba,” says Pokwang on her being turned off by a Cebu-based reporter who asked her about Patani Daño.
Nabalita kamakailan na na-offend daw si Pokwang sa pagtatanong ng isang miyembro ng press sa Cebu nang mag-show siya roon kailan lang. Ang rason diumano ay nang tanungin siya tungkol sa Survivor Philippines castoff na si Patani Daño. Ayon sa balita, hiningan daw ng reaksyon si Pokwang tungkol sa usap-usapang si Patani na raw ang pantapat ng GMA-7 sa kanya.
May mga nagsasabing hindi naman daw dapat magalit si Pokwang dahil kung tutuusin, totoo namang si Patani ang pantapat sa kanya ng Siete dahil lagi na ito sa Eat Bulaga, ang noontime show na katapat ng Wowowee na kinabibilangan ni Pokwang.
Agad na hiningan ng PEP (Philippine Entertainment Portal) si Pokwang hinggil sa isyung ito.
“Parang ganito ‘yan: halimbawa nandiyan si Britney Spears, tinanong mo siya sa kalaban niyang si Christina Aguillera, sa tingin mo ano ang mararamdaman niya? Nandun ako para mag-show, hindi para i-promote ang show ng iba,” panimula ni Pokwang. Sa pagsagot niyang ito ay kinumpirma niyang totoo ngang natanong siya tungkol kay Patani sa Cebu.
Patuloy pa ni Pokwang, “May nagtanong sa akin na isang press daw dun, nagulat ako kasi akala ko ang pag-uusapan namin is yung show ko sa Cebu, ‘tapos ang tinanong ay di naman related sa show. And besides, yung tinatanong nila sa akin ay yung show sa kabila, so, nakakagulat, di ba?”
Ani Pokwang, hindi nga siya ang higit na na-offend sa nangyari kundi ang mga tagahanga niya at mga sumusuporta sa kanya.
“Actually, hindi ako ang nag-react. Ang nag-react ay yung mga maka-Pokwang. Alam mo naman na marami rin akong fans sa Cebu, sila ang nag-react for me. Ang alam nila, ang itatanong ay tungkol sa show and then bigla ang tanong, out of nowhere, na di related sa show.”
Maganda naman daw ang pagkakasagot ni Pokwang sa tanong sa kanya tungkol kay Patani, lalo’t naniniwala rin siya na malaki ang industriya para sa lahat ng may talentong gustong pumalaot dito.
“Maganda naman ang sagot ko, as long as na tao ang nako-compare sa akin, why not? Ang masakit lang dun ay tanungin mo ako sa show ng kabila. E, alam mo namang Channel 2 artist ako. Pero okey lang, napatawad ko na siya [yung Cebuano reporter na nagtanong].
“Lahat naman kung may talent na puwede mong i-share, welcome dito [showbiz]. Lahat naman tayo may karapatang umasenso at gumanda ang buhay pero nandun kasi ako for a show.”
Nang tanungin ng PEP kung may mensahe ba siya sa mga taong patuloy na nagkukumpara sa kanila ni Patani, heto ang mensahe ni Pokwang:
“‘Di naman ako nagagalit na i-compare ako sa iba. Kung may talent yung tao, bigyan natin siya ng chance pero kung di dapat itanong, ‘wag nang itanong kasi di naman related sa nangyayari.”
A funny character, Patani loves acting, hosting, and modeling. She said she went to every audition she could just to follow her dream. Now that she has become one of the castaways in Survivor Philippines, Patani believes she’s finally got her chance to be the next big thing. - from GMA7
patani, survivor philippines, gma7, unang hirit, eat bulaga, nanny, Kapuso, yaya, domestic helper, philippines, Cebu, Camotes Island, pilipinas, filipina beauty, patani fans, patani fan site, patani daño, Jervy Patani Daño, Paolo Bediones, pambansang yaya, pinoy celebrity
